آندھراپردیش کے وزیراعلی وائی ایس جگن موہن ریڈی نے دلت نوجوان کے خاندان کے لیے دس لاکھ روپئے معاوضہ کا اعلان کیا جس کی ہسپتال میں علاج کے دوران موت ہوگئی۔
مہلوک نوجوان جس کی شناخت کرن کے طورپر کی گئی ہے۔ چیرالہ کے سب انسپکٹر وجئے کمار نے ماسک نہ پہننے اور کورونا کے قواعد پر عمل نہ کرنے پر پٹائی کردی تھی۔کرن اپنی بائیک پر جارہا تھا کہ سب انسپکٹر نے اس کو روکا اور چہرہ کا ماسک نہ پہننے پر اس کی بُری طرح پٹائی کردی۔زخمی کرن کو علاج کے لئے گنٹور کے سرکاری ہسپتال لے جایاگیا جہاں علاج کے دوران اس کی موت ہوگئی۔
اس واقعہ کی اطلاع پر وزیراعلی کے دفتر نے ضلع ایس پی کو ہدایت دی کہ وہ اس واقعہ کی اعلی سطحی جانچ کرے۔وزیراعلی کے دفتر نے مرنے والے نوجوان کے خاندان کو معاوضہ جاری کرنے کے احکام دیئے۔انہوں نے اس واقعہ کی اعلی سطحی جانچ کرنے کی بھی ہدایت دی۔
