'آزاد ہندوستان کا دوسرا سیاہ ترین دن'

'سپریم کورٹ نے اپنے فیصلے میں اس بات کا ذکر کیا کہ بابری مسجد کسی مندر کو توڑ کر نہیں بنائی گئی لیکن اس کے باوجود بھی مسجد کی اراضی پر مندر بنانے کی اجازت دے دی گئی'۔

اس تعلق سے ای ٹی وی بھارت کے نمائندہ نے سوشل ڈیموکریٹک پارٹی آف انڈیا کے نائب صدر تسلیم رحمانی سے بات کی اور ان سے معلوم کیا کہ رام مندر کے سنگ بنیاد پر ان کی خیالات کیا ہیں جس پر تسلیم رحمانی نے کہا کہ' یہ بھارت میں رہنے والی اقلیتی برادری پر اپنی طاقت کا مظاہرہ کرنا ہے۔

انہوں نے کہاکہ 'پانچ اگست یعنی آج کا دن بھارت کی تاریخ میں رقم کر دیا گیاہے، ایک برس قبل اسی تاریخ کو جموں و کشمیر سے دفعہ 370 ہٹایا گیا تھا اور آج تقریباً 450 برس پرانی بابری مسجد کی اراضی پر رام مندر کا سنگ بنیاد رکھا گیا ہے'۔

انہوں نے مزید کہا کہ' گذشتہ برس اسی تاریخ کو جموں و کشمیر سے دفعہ 370 کی منسوخی ہوئی تھی اور اب رام مندر کا سنگ بنیاد بھی اسی تاریخ کو رکھا گیا ہے۔ حالانکہ انہوں نے یہ بھی کہا کہ' سپریم کورٹ نے اپنے فیصلے میں اس بات کا ذکر کیا کہ بابری مسجد کسی مندر کو توڑ کر نہیں بنائی گئی لیکن اس کے باوجود بھی مسجد کی اراضی پر مندر بنانے کی اجازت دے دی گئی'۔

انہوں نے کہاکہ' اس سب کے پیچھے ایک یہی منشا نظر آتی ہے کہ اقلیتی برادری کو اس بات کا احساس کرایا جائے کہ اب طاقت ان کے پاس ہے اور طاقت کے بل پر کچھ بھی حاصل کر سکتے ہیں۔'