مئو میں خطرے کے نشان سے اوپر تمسا ندی

اترپردیش کے ضلع مئو میں تمساندی میں جاری طغیانی سے مقامی باشندوں کو سخت مشکلات کا سامنا ہے۔

مئو شہر سے ہو کر گزرنے والی تمسا ندی کا پانی شہر میں داخل ہونے سے لوگ پریشان ہیں۔ ندی میں پانی کی سطح خطرے کے نشان سے صرف ایک انچ نیچے رہ گئی ہے۔ پانی رہائشی علاقوں میں پھیل کر مکانات کے لیے خطرہ بن رہا ہے۔ مکانوں کے اطراف ندی کا پانی بھر جانے سے مقامی باشندوں کے لیے باہر آنا جانا دشوار ہو گیا ہے۔

تمسا ندی میں پانی کا بہاؤ کافی تیز رفتار ہونے سے ناؤ چلنی بھی بند ہو گئی ہے۔ متعدد مقامات پر ناؤ میں پانی بھر گیا ہے۔ ماہی-گیری کا کام بھی کافی متاثر ہوا ہے۔ ماہی-گیر پانی سے بھر چکی ناؤ سے پانی نکال رہے ہیں۔ انھیں ڈر ہے کہ زیادہ پانی بھر جانے سے روزی روٹی کا ذریعہ نہ ختم ہو جائے۔

انتظامیہ کے افسران خود موقع پر جائزہ لے رہے ہیں۔ ان کا کہنا ہے کہ اگر مزید بارش نہ ہوئی تو آبی سطح میں کمی واقع ہوگی، تمسا ندی کے پل سے گاڑیوں کو بھی دھیمی رفتار سے گزارا جا رہا ہے۔