ریاست اترپردیش کے ضلع بلیاء صحافی قتل معاملے پر کانگریس پارٹی کی جنرل سیکریٹری پرینکا گاندھی نے یوگی حکومت پر صحافیوں کی سکیورٹی میں ناکام رہنے کا الزام لگاتے ہوئے کہا کہ' صحافیوں کی آزادی کے تعلق سے اس کا رویہ قابل مذمت ہے اور بسپا کی صدر مایاوتی نے بھی یوگی حکومت کو ہدف تنقید بنایا ہے'۔
اس بابت بھارتیہ جنتا پارٹی کے ترجمان سید شاہنواز حسین نے پرینکا گاندھی اور بسپا کی صدر مایاوتی کو ہدف تنقید بناتے ہوئےکہاکہ' ان دونوں رہنماؤں کا مقصد صرف بیان بازی کرنا ہے اور یہ لوگ اترپردیش حکومت کو بدنام کرنے کی سازش کرتی ہیں'۔
انہوں نے مزید کہاکہ' یوگی حکومت ان معاملوں پر سخت قدم اٹھائے گی یوگی حکومت میں کسی بھی جرائم پیشہ افراد کو بخشا نہیں جائے گا۔'
مزید پڑھیں:
کپل سبل کے ٹوئٹ سے کانگریس میں' تلخی' کے اشارے
واضح رہے کہ کانگریس پارٹی کی جنرل سیکریٹری نے ٹوئٹ اپنے توئٹ میں صحافیوں کے قتل کی تاریخ دیتے ہوئے کہاکہ '19 جون کو شبھم منی ترپاٹھی کا قتل، 20 جولائی کو وکرم جوشی کا قتل، 24 اگست رتن سنگھ کا قتل۔ بلیاء میں گذشتہ تین ماہ میں تین صحافیوں کے قتل۔ گیارہ صحافیوں پر خبر لکھنے کے سبب ایف آئی آر درج۔ اترپردیش حکومت کا صحافیوں کی سکیورٹی اور آزادی کے سلسلے میں رویہ قابل مذمت ہے'۔
