بہار کے نائب وزیر اعلیٰ سشیل کمار مودی نے کہا کہ ماہرحسابیات آنند کمار پر مبنی ہندی فلم 'سپر30' میں ریاست کی مثبت شبیہ پیش کی گئی ہے۔
سشیل مودی نے کِلکاری بھون میں منعقد تقریب میں فلم سپر30کے چائلڈ آرٹسٹ اور ان کے سرپرستوں کو اعزاز سے نوازا۔
انہوں نے مزید کہا کہ اس سے قبل گنگا جل، اَپہرن اور گینگس آف واسے پور جیسی فلموں میں جرائم، اغواء کو بنیاد بناکر بہار کو دکھایا گیا تھا۔ داملو،شول اور ہِپ ہِپ ہُرّے جیسی فلمیں بہاری آرٹسٹوں نے ضرور بنائی تھی لیکن ان کی کہانیاں بہار سے مربوط نہیں تھیں۔
نائب وزیر اعلیٰ نے سپر 30 کو کامیاب فلم قرار دیتے ہوئے کہا کہ گذشتہ چھ دنوں میں ہی فلم نے 100 کروڑ کا بزنس کر لیا ہے۔
یہ فلم ملک اور بیرون ملک کے تین ہزار اسکرین پر دکھائی جارہی ہے۔
