آج دھرنے پر بیٹھے پی ایچ ڈی امیدواروں کی علی گڑھ مسلم یونیورسٹی کے رجسٹرار اور وائس چانسلر کے ساتھ ایک میٹنگ ہوئی، لیکن یہ میٹنگ بھی ناکام رہی۔
میٹنگ میں شامل طلبا کے مطابق یونیورسٹی انتظامیہ نے طلبا کو رواں برس پی ایچ ڈی میں داخلہ دینے سے انکار کر دیا اور مبینہ دھاندھلی کی جانچ کی یقین دہائی کرائی۔
یونیورسٹی انتظامیہ کا کہنا ہے کہ مذکورہ طلبا آئندہ برس پی ایچ ڈی کے داخلہ جاتی امتحان میں شامل ہوں۔
یونیورسٹی انتظامیہ طلبا کی جانب سے کیے گئے دعوے کو فرضی قرار دیتی ہے۔
یونیورسٹی انتظامیہ کے اس قدم کے خلاف پی ایچ ڈی کے امیدواروں نے خودکشی کی دھمکی دی ہے ، ان کا کہان ہے کہ یونیورسٹی انتظامیہ 72 گھنٹوں کے اندر اپنے مطالبات پورے کرے۔
اس سلسلے میں طلبا نے وزیراعظم مودی، ایچ آر ڈی، ڈی جی پی، ڈی آئی جی اور علی گڑھ پولیس کو خط لکھا ہے اور کہا کہ اگر 72 گھنٹوں کے اندر پی ایچ ڈی میں داخلے کا اعلان نہیں کیا گیا تو وہ خودکشی کر لیں گے۔
