کرناٹک کے وزیر برائے ابتدائی اور ثانوی تعلیم ایس سریش کمار نے بتایا ہے کہ 'کرناٹک کے ایس ایس ایل سی (کلاس 10) کے امتحانات کی تاریخ کا اعلان کردیا گیا ہے۔ امتحانات 25 جون سے چار جولائی 2020 تک ہوں گے'۔
انہوں نے یہ بھی بتایا ہے کہ 'پری یونیورسٹی کورس (پی یو سی) کے انگلش پیپر کا امتحان 18 جون کو ہوگا۔ سابق میں بورڈ نے ناول کورونا وائرس (کووڈ۔19) کے پھیلاؤ کے سبب امتحانات ملتوی کردیئے تھے'۔
ایس سریش کمار کے مطابق امتحانات کے نظام الاوقات صبح 10:30 تا دوپہر 1:45 طئے ہے۔
انھوں نے طلبا و طالبات کو آدھا گھنٹا قبل امتحان گاہ پر رہنے کی تائید کی ہے۔ اس کے علاوہ انھوں نے تمام طرح کے حفاظتی اقدامات کرنے خاص کر ماسک پہننے پر زور دیا ہے۔
کرناٹک میں دسویں جماعت کے امتحانات کی تفصیلات اور نظام اوقات یہاں ملاحظہ کیجیے
کرناٹک کے ضلع یادگیر میں نگران وزیر پربھو چوہان نے ہدایت دی ہے کہ '25 جون سے قبل تمام امتحانی مراکز کو سینی ٹاریز کیا جائے۔ اس کام میں ہرگز تساہلی نہیں ہونی چاہیے'۔
انہوں نے کہا کہ 'مہاراشٹرا اور دیگر ریاستوں سے واپس ہوئے لوگوں کو اسکولز اور اسپتال میں قیام کے لیے قرنطینہ مراکز بنا دیا گیا تھا۔ تاہم تمام اسکولز میں صفائی ستھرائی مکمل ہوچکی ہے۔ جو کہ امتحانات کے لیے تیار ہیں'۔
پربھو چوہان نے بتایا ہے کہ 'عہدے داران اس بات کو ذہن میں رکھتے ہوئے جن اسکولز کو کورنٹائن کے بعد امتحان مراکز میں تبدیل کیا گیا۔ ان اسکولز کے تمام ٹیبلس، ڈیسک، بینچیز، ٹالیٹز اور اسکول کے کمروں کو امتحانات شروع ہونے سے قبل سینی ٹارئزڈ کیا جائے'۔
