مذہبی پیشوا سری سری روی شنکر نے منگل کو مرکزی حکومت سے درخواست کی کہ وہ ملک میں مقیم ایک لاکھ سے زیادہ سری لنکن تاملوں کو شہریت دینے پر غور کرے۔
سری سری روی شنکر نے ایک اور ٹویٹ لکھا کہ میں نے ڈاکٹر اے پی جے عبدالکلام سے اس وقت ملاقات کی تھی جب وہ صدر تھے۔ "اس سلسلے میں ان سے بھی بات کی تھی ۔ہم نے منموہن سنگھ سرکار کو تامل ناڈو سے 10 ملین دستخط بھی پیش کیے تھے۔ جبکہ سری لنکا کے مہاجرین کو یورپ ، کینیڈا اور دیگر ممالک میں شہریت دی گئی ہے۔ وہ اب بھی بھارت میں پناہ گزین کیمپوں میں مقیم ہیں۔
انہوں نے ایک دو ٹویٹس میں کہا ، " میں نے ان مہاجر کیمپوں کا دورہ کیا ہے ان کی حالت واقعی افسوسناک ہے۔
ان کے یہ الفاظ شہریت (ترمیمی) بل پر بحث کے دوران آئے ہیں، جسے لوک سبھا نے پیر کے روز منظور کیا تھا۔ لوک سبھا سے منظوری ملنے والے، شہریت (ترمیمی) بل ، 2019 کو راجیہ سبھا میں بدھ کے روز پیش کیا جائے گا۔ "
