سری لنکا کے وزیر کھیل ہارین فرنانڈو نے گزشتہ ماہ ایک پریس کانفرنس کی تھی، جس میں انہوں نے اعلان کیا تھا کہ سری لنکا کرکٹ ٹیم پاکستان جا کر ونڈے اور ٹی 20 سیریز کھیلے گی۔
اس پریس کانفرنس کے بعد پاکستان کرکٹ بورڈ (پی سی بی) کے چیئرمین احسان مانی نے سری لنکا کے وزیر کھیل ہارین فرنانڈو سے ٹیلی فون پر رابطہ کیا تھا۔
اس رابطے میں یہ طے پایا گیا تھا کہ رواں ماہ سری لنکا کرکٹ ٹیم پاکستان جاکر یک روزہ اور ٹی 20 سریز کھیلے گی، اور اس کے بعد دونوں ممالک کے درمیان ٹسٹ سیریز کا انعقاد کیا جائے گا۔
اب سری لنکا کرکٹ ٹیم کے متعدد سینیئر کھلاڑیوں نے پاکستان جاکر کھیلنے سے منع کردیا ہے۔
خیاک رہے کہ انکار کرنے والے کھلاڑیوں میں ٹی 20 کرکٹ ٹیم کے کپتان لستھ ملنگا، ونڈے کرکٹ ٹیم کے کپتان دیموتھ کرونارتنے اور سری لنکن کرکٹ ٹیم کے سابق کپتان اینجیلو میتھیوز وغیرہ شامل ہیں۔
