علی گڑھ سے تعلیم یافتہ نایاب زہرہ زیدی نے ای ٹی وی بھارت بہت سے بات کرتے ہوئے بتایا کہ ' سرسیداحمد خان کے خواب کو شرمندہ تعبیر کرنے کی ضرورت ہے۔ اس طرح کی تقریبات سرسید کے پیغامات کو عام کرنے میں معاون ثابت ہوتے ہیں'۔
خاص طور سے نوجوان طلباء و طالبات بات کے ذہن و فکر پر سرسید کی تعلیمات خاصا اثر چھوڑتی ہیں۔
نایاب زہرہ زیدی نے بتایا کہ 'سرسید احمد خان نے تعلیم نسواں پر بہت زور دیا ہے، یہی نہیں بلکہ سرسید احمد خان نے طلباوطالبات کو عصری علوم سیکھنے پر پر زور دیا ہے'۔
مزید پڑھیں : سر سید مصلح قوم و ملت، ان کے تعلیمی مشن کو آگے بڑھانے کی ضرورت
سی سی ایس یونیورسٹی کے لائبریرین ڈاکٹر جمال صدیقی نے بتایا کہ ' سرسید احمد نے پسماندہ طبقے کو زیور تعلیم سے آراستہ کرنے کے لیے ناقابل فراموش سرمایہ دیا ہے اور خاص کر عصری علوم کی جانب خاص توجہ دلایا ہے'۔
اس موقع پر چودھری چرن سنگھ یونیورسٹی کے شعبہ اردو کے ایچ او ڈی ڈاکٹر اسلم جمشید پوری سابق وزیر معراج الدین سمیت کئی دانشور موجود رہے۔
