کرناٹک کے سابق وزیراعلی سدارامیا کے بیٹے اور میسور کے رکن اسمبلی یتھیندرا کو کورونا وائرس مثبت ہوا ہے۔ اس سے قبل ان کے والد نے اعلان کیا تھا کہ وہ بھی اس بیماری میں مبتلا ہے۔
چالیش برس کے یتھیندرا سدا رامیا میسور کے ضلع ورونا سے رکن اسمبلی ہیں۔
ریاست کے میڈیکل ایجوکیشن کے وزیر کے سدھاکر نے ٹویٹ کیا ہے کہ 'مجھے یہ جان کر حیرت ہوئی کہ یتھیندرا اس وائرس سے متاثر ہوئے ہیں۔ میں ان کی جلد صحت یابی کی خواہش کرتا ہوں'۔
پیشہ سے ایک ڈاکٹر یتھیندرا نے حال ہی میں ان کے ساتھ رابطے میں آنے والوں کو کورونا ٹیسٹ کرانے اور احتیاط برتنے کا مشورہ دیا ہے۔
انھوں نے کہا ہے کہ 'میرے کورونا ٹیسٹ کی رپورٹ مثبت آئی ہے۔ میں ان تمام لوگوں سے درخواست کرتا ہوں جو پچھلے کچھ دنوں سے مجھ سے رابطے میں آئے تھے اور خود کو الگ رکھنے اور احتیاطی تدابیر اختیار کرنے کی درخواست کرتا ہوں'۔
کرناٹک کے 71 سالہ سابق وزیراعلی سدارامیا کا گزشتہ تین اگست کو کووڈ ۔19 کا ٹسٹ مثبت آیا تھا۔ جو شہر کے مشرقی مضافاتی علاقے میں واقع ایک نجی اسپتال میں زیر علاج ہے۔
مزید پڑھیں: طبی آلات کی خریداری کی جانچ کرانے کا مطالبہ
منیپال اسپتال کے ترجمان نے ایک بیان میں کہا ہے کہ سدارامیا کی حالت مستحکم ہے اور وہ آہستہ سے صحت یاب ہورہے ہیں۔ ان کی بھوک میں بہتری آئی ہے۔ ماہرین کی ایک ٹیم ان کے صحت کے پیرامیٹرز کی نگرانی کر رہی ہے'۔
