نیٹ میں صد فیصد نمبرات لانے والے شعیب آفتاب نے تاریخ رقم کی

این ای ای ٹی 2020 کے امتحان میں شامل رہے لاکھوں امیدوار طویل عرصے سے اپنے نتائج کا انتظار کر رہے تھے، آج نتائج کا اعلان ہو گیا ہے۔ جس میں اڑیسہ کے شعیب آفتاب نے صد فیصد نمرات حاصل کر ٹاپ کیا ہے۔ شعیب نے صرف ٹاپ نہیں کیا بلکہ وہ ملک اور اپنی آبائی ریاست کے پہلے ٹاپر بھی رہے جس نے صد فی صد نمبرات حاصل کرکے تاریخ رقم کردی۔

شعیب نے نیٹ کے امتحان میں 720 نمبرات میں سے 720 نمبرات لاکر کامیابی کی ایک نئی عبارت لکھ دی ہے۔

یہ پہلی دفعہ ہے جب نیٹ کے امتحان میں 100 فیصد نمبر کسی طالب علم کو ملے ہیں، ایسا کارنامہ انجام دینے والے شعیب آفتاب اکلوتے طالب علم ہیں۔

بیٹے کی اس کامیابی پر ان کے والدین کافی خوش ہیں۔

بتادیں کہ شعیب کی اس کامیابی کے بعد لوک سبھا اسپیکر اوم برلا نے اس کے گھر جاکر ملاقات کی اور اسے مبارک باد دی۔ پورے ملک سے شعیب آفتاب کو مبارکباد دینے کا سلسلہ شروع ہوگیا ہے۔