'شیو سینا کو نائب وزیراعلی کا عہدہ قبول کرنا چاہیے'

مہاراشٹر اسمبلی انتخابات کے نتائج آنے کے بعد ہی شیو سینا اور بی جے پی کے درمیان وزارت اعلی کے عہدے کو لے کر کشمکش جاری ہے۔

مرکزی وزیر اور ریولیوشنری پارٹی آف انڈیا کے رہنما رام داس اٹھاولے نے اتوار کے روز کہا کہ شیو سینا کو آدتیہ ٹھاکرے کے لیے پانچ برس تک نائب وزیراعلی کا عہدہ قبول کر لینا چاہیے

رام داس اٹھاولے نے کہا: 'مجھے نہیں لگتا کہ بی جے پی باری باری وزیراعلی کے عہدے کے لیے راضی ہو جائے گی، لیکن نائب وزیراعلی کا عہدہ پانچ برس کے لیے شیوسینا کو دیا جا سکتا ہے۔ مجھے لگتا ہے کہ شیوسینا کو آدتیہ ٹھاکرے کے لیے پانچ برس تک نائب وزیراعلی کا عہدہ قبول کر لینا چاہیے، جبکہ دیویندر فڈنویس کو ریاست کا وزیراعلی ہونا چاہیے۔

انھوں نے کہا کہ ان کا فارمولہ یہ ہے کہ بی جے پی اور شیوسینا کو عوام کے مینڈیٹ کے مطابق ایک ساتھ آجانا چاہیے، ہاں یہ یقینی ہے کہ این ڈی اے اتحاد کو امیدوں کے مطابق سیٹیں نہیں ملیں، لیکن پھر بھی اکثریت این ڈی اے اتحاد کے پاس ہے۔

انھوں نے کہا کہ اس بحران پر وہ دونوں پارٹیوں سے بات کریں گے اور اس مسئلہ کو دو سے تین کے اندر حل کر لیا جائے گا۔

دراصل مہاراشٹر اسمبلی انتخابات کے نتائج آنے کے بعد ہی شیو سینا اور بی جے پی کے درمیان وزارت اعلی کے عہدے کو لے کر کشمکش جاری ہے۔

مہاراشٹر کے اسمبلی انتخابات میں مجموعی طور پر 286 نشستوں میں سے بی جے پی۔شیو سینا اتحاد کو 161 سیٹیں حاصل ہوئی ہیں، ان میں بی جے پی 105، جبکہ شیوسینا 56 نشستیں ملی ہیں۔

وہیں کانگریس۔این سی پی اتحاد کو 98 سیٹیں حاصل ہوئی ہیں، جن میں 44 کانگریس اور 54 سیٹیں این سی پی کو حاصل ہوئی ہیں۔

اس کے علاوہ آل انڈیا مجلس اتحاد المسلمین، پرہار جن شکتی پارٹی اور سماج وادی پارٹی کو دو دو سیٹیں، جبکہ بہوجن وکاس اگاڑی کو تین نشستیں ملی ہیں۔ باقی دیگر کو حاصل ہوئی ہیں۔