ریاست اتر پردیش کے ضلع غازی آباد کے لونی اسمبلی حلقے سے بی جے پی ایم ایل اے نند کشور گجر کے بیان سے مسلم رہنماؤں میں شدید ناراضگی دیکھی جا رہی ہے۔
بی جے پی ایم ایل اے نند کشور گجر نے عیدالاضحی کے تعلق سے متنازعہ بیان دیا ہے، نند کشور گجر نے اپنے بیان میں کہاکہ' جسے بھی قربانی دینی ہے وہ اپنے بچوں کی قربانی دے، اپنے اس بیان میں گجر نے یہ بھی کہا کہ گوشت کھانے سے کرونا پھیلتا ہے، اس لیے اس بار قربانی نہیں دینی چاہیے'۔
مزیدپڑھیں:
'قانون کے دائرے میں دینی احکام کی تکمیل کی جائے'
بی جے پی ایم ایل اے نند کشور گجر کے اس بیان کا جواب دیتے ہوئے ضلع سنبھل سے سماج وادی پارٹی کے رکن پارلیمان شفیق الرحمٰن برق نے کہاں کہ' اس طرح کا بیان اسلام کے لیے ہی نہیں بلکہ ملک کے آئین کے خلاف ہے، شفیق الرحمٰن برق نے حکومت سے مطالبہ کیا ہے کہ حکومت جلد از جلد نند کشور کے اس متنازعہ بیان پر ایکشن لے اور قانونی کارروائی کرے۔
