کانگریس کے سینیئر رہنما جے پال ریڈی کا 27 جولائی کی شب انتقال ہوگیا۔ وہ سابق مرکزی وزیر اور کانگریس کے سینیئر رہنما تھے۔
جے پال ریڈی گذشتہ چند روز سے بیمار تھے۔ انہیں نمونیا کی شکایت تھی جس کا علاج جاری تھا۔ وہ 1984 سے رکن پارلیمان تھے اور پانچ بار رکن پارلیمان اور راجیہ سبھا کے لیے دو بار منتخب ہوئے تھے۔
وہ اندر کمار گجرال حکومت میں وزیر اطلاعات و نشریات تھے جبکہ یو پی اے کے دوسرے دور اقتدار میں وزیر پٹرولم مقرر ہوئے تھے۔
ان کے انتقال پر کانگریس کے سینیئر رہنماؤں نے غم کا اظہار کیا ہے۔ ان کی آخری رسومات پیر کے روز ادا کی جائے گی۔
