اس سے قبل ایئر انڈیا کے دو مخصوص طیاروں کے ذریعے 236 بھارتیوں کو ایران سے بھارت واپس لایا گیا تھا، اس تعلق سے آج 53 بھارتی شہریوں کو ایئر انڈیا کے مخصوص طیارے کے ذریعے راجستھان کے شہر جیسلمیر لایا گیا ہے۔
بھارتی شہریوں کے جیسلمیر پہنچنے کے بعد تمام لوگوں کے اسکریننگ ٹیسٹ کیے جارہے ہیں اور اس کے بعد انھیں جیسلمیر کے ملٹری اسٹیشن لے جایا جائے گا جہاں خصوصی طور پر قائم کیے گئے آئسولیشن وارڈ میں انھیں رکھا جائے گا۔
حالانکہ جیسلمیر لائے گئے تمام مسافروں کے ٹیسٹ نگیٹیو پائے گئے ہیں لیکن بیرون ملک سے آئے ہوئے مسافروں کو احتیاطی طور پر آئسولیشن وارڈ میں رکھا جائے گا۔
جیسلمیر کے خصوصی آئسولیشن وارڈ میں مسافروں کے لیے خصوصی انتظامات کیے گئے ہیں جہاں بیرون ملالک سے لائے گئے مسافروں کو ماہر ڈاکٹروں کی نگرانی میں رکھا جائے گا اس کے بعد ان کی بہتر صحت کی بنیاد پر انھیں گھر روانہ کردیا جائے گا۔
