بھارت امریکہ کے مابین تجارتی معاہدہ ابھی نہیں: ٹرمپ

امریکی صدر ڈونلڈ ٹرمپ نے بھارت اور امریکہ کے درمیان کسی بھی طرح کے تجارتی معاہدے کے امکان کو مسترد کردیا ہے، انہوں نے کہا کہ ان کے موجودہ دورے کے دوران کوئی بڑا تجارتی معاہدہ نہیں ہوسکتا ہے اور وہ اس پر مزید غور کریں گے۔

حالانکہ انہوں نے کہا کہ وہ 'واقعی میں وزیر اعظم مودی کو بہت پسند کرتے ہیں لیکن اس وقت کوئی تجارتی معاہدہ نہیں کرسکتے اور اس پر مزید غور کریں گے'۔

واضح رہے کہ صدر ٹرمپ 24 فروری کو بھارت کا دورہ کرنے والے ہیں، ان کے دورے کے دوران یہ توقع کی جارہی تھی کہ دونوں ممالک میں تجارتی معاہدہ ہوگا۔

ٹرمپ نے کہا 'ہم بھارت کے ساتھ تجارتی معاہدہ نہیں کرسکتے ہیں، لیکن میں بعد میں ایک بڑا سودا کروں گا'۔

انہوں نے کہا کہ وہ اس بارے میں کوئی ٹھوس بات نہیں کہہ سکتے کہ امریکی انتخابات سے قبل اتنا بڑا تجارتی معاہدہ کیا جائے گا یا نہیں، لیکن اس کے بعد ایک چھوٹا تجارتی معاہدہ ہوسکتا ہے۔

ٹرمپ نے کہا 'میں پی ایم مودی کو بہت پسند کرتا ہوں، انہوں نے مجھے بتایا کہ ایئرپورٹ اور پروگرام سائٹ کے درمیان 70 لاکھ لوگ ہوں گے۔ مجھے پتہ ہے کہ اسٹیڈیم سیمی انڈر کنسٹرکشن ہے، لیکن یہ دنیا کا سب سے بڑا اسٹیڈیم ہوگا۔ لہذا یہ بہت دلچسپ ہو گا۔ مجھے امید ہے آپ اسے پسند کریں گے'۔

ذرائع کے مطابق امریکہ کے تجارتی نمائندے رابرٹ لائٹ هائزر ٹرمپ کے ساتھ بھارتی دورے پر نہیں آرہے ہیں، حکام نے اسے ابھی مکمل طور مسترد بھی نہیں کیا ہے۔

امریکی صدر نے مزید کہا کہ 'ہم اس بار بھارت کے ساتھ تجارتی معاہدہ نہیں کرسکتے، لیکن بعد میں اس سے بڑا معاہدہ ہوسکتا ہے'، انہوں کیلیفورنیا میں نامہ نگاروں سے بات چیت میں یہ باتیں کہی۔

انہوں نے یہ بھی کہا کہ 'بھارت نے ہمارے ساتھ اچھا سلوک نہیں کیا ہے، تاہم میں وزیر اعظم مودی کو بہت پسند کرتا ہوں'۔