ریت کے مجسمے سے سدرشن پٹنائک کی منفرد اپیل

مشہور مجمسہ ساز سودرشن پٹنائک نے ریت پر انتہائی منفرد اور تخلیقی انداز میں آرٹ بناتے ہوئے لوگوں کو ہولی کی مبارک باد دی ہے۔

ہولی کے موقع پر سودرشن پٹنائک نے اوڈیشہ کے شہر پوری میں ریت پر اپنے منفرد اور تخلیقی فن کو اجاگر کرتے ہوئے عوام کو ایک پیغام دیا ہے۔

انہوں نے ’ہولی‘ کے لئے نیک تمناؤں کے ساتھ ریت کا ایک خوبصورت مجسمہ تیار کیا اور کورونا وائرس سے بچنے کے لیے اپنا خیال رکھنے کا بھی خاموش انداز میں پیغام دیا ہے۔

خیال رہے کہ سدرشن پٹنائک اوڈیشہ کے شہرت یافتہ اور ریت پر ڈیزائن پر بنانے والے منفرد فنکار ہیں۔ انہیں بھارتی حکومت نے 2014 میں پدما شری سے نوازا تھا۔