بالی ووڈ معروف اداکار سشانت خودکشی معاملے میں آج ریا چکرورتی کو گرفتار کیا گیا ہے، این سی بی نے انہیں 14 دنوں کی عدالتی تحویل میں رکھے جانے کی درخواست کی ہے، این سی بی کی ریمانڈ رپورٹ میں یہ واضح نہیں کیا گیا کہ انہوں منشیات کا استعمال کیا۔
انسداد منشیات اسکواڈ (این سی بی) کی جانب سے آج ریا چکرورتی کی گرفتاری کو' نشے کے عادی اور ذہنی طور پر بیمار شخص سے پیار کرنے کی سزا' قرار دیتے ہوئے ریا کے وکیل ستیش مانشندے نے کہا کہ' ریا کو ایک ایسے شخص کے ساتھ پیار کرنے کی یہ سزا بھگتنی پڑ رہی ہے، جو کئی برسوں سے ذہنی طور پر بیمار تھا اور جس نے نشے کی وجہ سے خودکشی کرلی تھی۔
انہوں نے مزید یہ بھی کہاکہ' ریا گذشتہ کئی برسوں سے 5 مشہور ڈاکٹروں سےان کا علاج بھی کروا رہی تھیں۔ انہوں نے کہا کہ' یہ انصاف کی ستم ظریفی ہےکہ تفتیش کے لئے ایک خاتون کے پیچھے تین مرکزی ایجنسیاں ہیں۔ جبکہ وہ گذشتہ کئی برسوں سے 5 مشہور ڈاکٹروں سے سشانت کا علاج کروا رہی تھیں'۔
واضح رہے کہ،ریا چکرورتی کو آخر کار این سی بی نے سشانت سنگھ راجپوت کیس سے متعلق منشیات کے ایک کیس میں باضابطہ طور پر سہ پہر 3:45 منٹ پر گرفتار کیا اور اس بابت ان کے اہل خانہ کو آگاہ کردیا گیا، پھر اس کے بعد ریا کا سائین اسپتال میں طبی معائنہ کرایا گیا، جہاں اس کی کورونا جانچ رپورٹ نیگیٹو پائی گئی۔
بعد ازاں انہیں دوبارہ این سی بی کے دفتر لے جایا گیا۔انسداد منشیات اسکواڈ (این سی بی) کے، ڈپٹی ڈی جی، جنوبی مغربی علاقہ کے متھا اشوک جین نے کہا کہ' ریا کو معمول کے میڈیکل چیک اپ کے لئے بھیجا گیا تھا۔ جہاں اس کی کووڈ-19 کی روپورٹ نیگیٹو پائی گئی۔ اس نے جو کچھ بھی بتایا وہ اس کی گرفتاری کے لئے کافی تھا۔ ہم نے اسے گرفتار کرلیا ہے'۔
دوسری جانب ذرائع نے بتایا کہ' ریا اس کیس کی تفتیش میں تعاون کررہی ہیں، لہذا ضرورت پڑنے پر ان سے پوچھ گچھ کی جائے گی۔ ریا نے این سی بی کو بتایا ہے کہ جب بھی انہیں پوچھ گچھ کے لئے بلایا جائے گا تو وہ ہمیشہ آنے کے لیے تیار ہیں، این سی بی ذرائع کا کہنا ہے کہ ریا کوئی عادی مجرم نہیں ہے۔ تفتیش تین دن جاری رہی۔ لہذا ، ہم ریمانڈ حاصل نہیں کریں گے۔اگر ضرورت ہو تو مزید انکوائری طلب کی جائے گی۔
مزید پڑھیں:
