کانگریس کے اعلیٰ رہنماؤں نے کہا کہ حکومت کو مہنگائی بھتے پر روک لگانے کی بجائے اپنے بڑے بڑے پروجیکٹس پر فی الحال روک لگانی چاہیے۔
کانگریس رہنماؤں نے ویڈیو پیغام کے ذریعے مرکزی حکومت کے اس فیصلے پر تنقید اور افسوس کا اظہار کیا ہے۔
ویڈیو پیغام میں سابق وزیراعظم منموہن سنگھ، کانگریس کے سابق صدر راہل گاندھی، سابق وزیر مالیات پی چدمبرم، پارٹی کے قومی ترجمان رندیپ سرجے والا سمیت دیگر کئی رہنماؤں نے ردعمل ظاہر کیا۔
ان تمام رہنماؤں نے حکومت سے اپیل کی ہے کہ مہنگائی بھتے پر روک لگانے کے فیصلے کو فوراً واپس لیا جائے۔
واضح رہے کہ گزشتہ روز راہل گاندھی نے ٹویٹ کے ذریعے کہا تھا کہ حکومت کا مہنگائی بھتے پر روک لگانے کی بجائے بلٹ ٹرین پروجیکٹ پر فی الحال روک لگانی چاہیے کیوں کہ یہ اس پرجیکٹ پر بہت ہی خطیر رقم لگی ہوئی ہے۔
انہوں نے ٹویٹ میں کہا تھا کہ 'لاکھوں کروڑوں روپے کے بلیٹ ٹرین پروجیکٹ اور 'مرکزی وستا سوندریہ پرجیکٹ' کو ختم کرنے کے بجائے کورونا وائرس بحران کے دوران عوام کی خدمت کررہے مرکزی ملازمین، پیشنرز اور ملک کے جوانوں کے مہنگائی بھتے (ڈی اے) پر روک لگانا حکومت کا فیصلہ غیر انسانی ہے'۔
