راجیہ سبھا میں حزب اختلاف کے اراکین کی جانب سے زرعی بلوں کی مکمل جانچ پڑتال کے لئے ایوان کی کمیٹی کو بھیجنے کی خواہش پر زبردست ہنگامہ ہوا۔ ایوان بالا میں ہنگامہ آرائی کی وجہ سے ایوان کی کارروائی کو مختصر وقت کے لئے ملتوی کرنا پڑی۔
اتوار کے روز راجیہ سبھا میں زبردست ہنگامہ کے دوران صوتی ووٹنگ سے دو اہم زرعی بلوں کو منظور کیا گیا، اس دوران حزب اختلاف کے اراکین چیئرمین کی کرسی تک چلے گئے اور مائک کو توڑنے کی کوشش کی تھی۔
ان اراکین پارلیمان پر ڈپٹی چیئرمین ہری ونش سنگھ کے ساتھ نازیبا سلوک کرنے کا بھی الزام ہے۔
پارلیمانی امور کے وزیر پرہاد جوشی ممکنہ طور پر اتوار کے روز ڈپٹی چیئرمین ہری ونش سنگھ کے ساتھ بد سلوکی کرنے والے ممبران پارلیمنٹ کی معطلی کے لئے راجیہ سبھا میں طریقہ کار اور طرز عمل کے ضابطہ 256 کے تحت تحریک پیش کی۔
ادھر اپوزیشن نے ڈپٹی چیئرمین ہری ونش سنگھ کے خلاف عدم اعتماد کا نوٹس لے لیا۔
او برائن اور سنگھ کے علاوہ کانگریس کے رہنما راجیو ستاو، سید ناصر حسین اور سی پی آئی ایم کے کے کے راگیش اور ایلارام کریم اور ترنمول کے ڈولا سین کو معطل کردیا گیا۔
