دونوں ممالک کے وزرائے دفاع شنگھائی تعاون تنظیم (ایس سی او) کے رکن ممالک کے وزرائے دفاع کے اجلاس میں شرکت کے لیے ماسکو میں ہیں، تاہم یہ ملاقات اس اجلاس سے الگ ہوئی۔
دونوں وزرائے دفاع کے درمیان ماسکو کے ہوٹل میٹروپول میں ملاقات ہوئی جہاں چینی وزیر دفاع مسٹر سنگھ سے ملنے پہنچے۔ وزراء دفاع کے ساتھ ان کے ممالک کے وفود بھی موجود تھے۔
دونوں ممالک کے مابین سرحد پر جاری تعطل کے درمیان وزرائے دفاع کی یہ پہلی ملاقات ہے۔
بھارت اور چین کے فوجیوں کے مابین گزشتہ ہفتہ پنگونگ جھیل کے جنوبی کنارے پر تازہ واقعہ کے تناظر میں یہ اجلاس انتہائی اہم سمجھا جاتا ہے۔
چین اور بھارت کے فوجیوں کے مابین 15 جون کو پُرتشدد تصادم ہوا، جس میں بھارت کے ایک کرنل سمیت 20 فوجی ہلاک ہوگئے۔
دعویٰ کیا جارہا ہے کہ چینی فوجیوں کی ایک بڑی تعداد بھی ہلاک ہوئی تھی، حالانکہ چین نے کبھی بھی سرکاری طور پر اس کا اعلان نہیں کیا۔
