ریاست کرناٹک کے شہر گلبرگہ میں پچھلے ایک ماہ سے شدید گرمی کی وجہ سے عوام پریشان تھے۔ اچانک گلبرگہ کے مختلف علاقوں میں کہیں ہلکی اور کہیں تیز بارش سے یہاں کے عوام کو گرمی سے راحت نصیب ہوئی ہے۔
یہاں پر بارش شروع ہونے سے تما پوری چوک، سنٹرل بس اسٹینڈ، مین روڈ کے بی این اسپتال روڈ اور دیگر مقامات پر تیز بارش ہوئی جس کے نتیجے میں سڑکوں پر پانی جمع ہو گیا اور محض مقامات پر گاڑی سواروں کو مشکلات سامنا کرنا پڑا۔
ملک بھر میں اس وقت شدید گرمی کی لہر جاری ہے اور مانسون پہنچنے میں تاخیر کا امکان ہے۔ دوسری جانب مغربی بنگال میں زبردست طوفان جاری ہے۔ ایسے میں گلبرگہ میں بارش سے عوام کو گرمی سے راحت نصیب ہوئی۔
