معیشت کی خرابی کی ذمہ دار مودی حکومت ہے: راہل گاندھی

کانگریس کے سینیئر رہنما راہل گاندھی نے اپنے ویڈیو پیغام میں کہا کہ 'ملک کی معیشت کی خرابی ایک سوچی سمجھی حکمت عملی کے تحت ہوئی ہے اور اس کا مقصد غیر منظم سیکٹر میں کام کرنے والی بڑی آبادی کو غلام بنانا ہے۔'

کانگریس کے سابق صدر راہل گاندھی نے وزیر اعظم نریندر مودی حکومت پر تنقید کرتے ہوئے الزام عائد کیا کہ انہوں نے غیر منظم سیکٹر پر حملہ کر کے ملکی معیشت کو برباد کر دیا۔

راہل گاندھی نے کہا کہ 'غیر منظم سیکڑ ملک کی 90 فیصد سے زیادہ آبادی کو روزگار فراہم کرتا ہے لیکن مودی حکومت روزگار پیدا کرنے والے سیکٹر کو جان بوجھ تباہ کر رہی ہے۔

انہوں نے کہا کہ 'معیشت پر حملہ ایک سازش اور عوام کو غلام بنانے کی کوشش ہے۔

بھارت کے تناظر میں غیر منظم شعبے کی اہمیت کا ذکر کرتے ہوئے راہل گاندھی نے 2008 کے معاشی بحران کا حوالہ دیتے ہوئےکہا کہ اس دور میں امریکہ، جاپان، چین سمیت پوری دنیا کے بینکوں میں گراوٹ آئیم، متعدد بڑی کمپنیاں بند ہوگئی تھیں یورپی بینکوں کا برا حال تھا لیکن بھارت میں اس کساد بازاری کا اثر نہیں ہوا تھا۔