ملک کو دوبارہ چمپارن جیسے سانحے کا سامنا کرنا پڑے گا: راہل

ایک ماہ سے زیادہ عرصے سے ہزاروں کسان زرعی قوانین کے خلاف دہلی کی مختلف حدود پر احتجاج کر رہے ہیں۔ مظاہرے میں پنجاب اور ہریانہ کے بیشتر کسان شامل ہیں۔

کانگریس کے رہنما راہل گاندھی نے کسانوں کی تحریک اور زرعی قوانین کے حوالے سے وزیر اعظم پر شدید تنقید کی ہے۔ انہوں نے اپنے ٹویٹ پیغام میں چمپارن سانحے کی یاد دلاتے ہوئے کہا کہ 'ملک ایک بار پھر چمپارن جیسے سانحہ سے دو چار ہونے جا رہا ہے۔'

راہل گاندھی کا ٹویٹ

راہل گاندھی نے اپنے ٹویٹ میں مودی حکومت پر شدید نکتہ چینی کرتے ہوئے برطانوی حکومت کے طاقتور ہونے کا بھی حوالہ دیا۔ انہوں نے ٹویٹ میں لکھا کہ 'ملک کو ایک بار پھر چمپارن جیسے سانحے کا سامنا کرنا پڑ رہا ہے، تب برطانوی کمپنی بہادر تھی، لیکن اس تحریک کا ہر کسان مزدور ستیہ گرہی ہے جو اپنے حقوق لے کر ہی رہیں گے۔'

اس سے پہلے بھی کانگریس کے رہنما راہل گاندھی نے ٹویٹ کر کے حکومت پر نکتہ چینی کی تھی، راہل نے ایک ٹویٹ میں لکھا کہ 'بھارت کے کسان اس طرح کے سانحے سے بچنے کے لیے زرعی مخالف قوانین کے خلاف احتجاج کر رہے ہیں، اس ستیہ گرہ میں ہم سب کو ملک کر کسان کا ساتھ دینا ہوگا۔'

واضح ہو کہ ایک ماہ سے زیادہ عرصے سے ہزاروں کسان زرعی قوانین کے خلاف دہلی کی مختلف حدود پر احتجاج کر رہے ہیں۔ مظاہرے میں پنجاب اور ہریانہ کے بیشتر کسان شامل ہیں۔