بات چیت کے دوران وزیراعلی ادھو ٹھاکرے نے امیت شاہ کو بتایا کہ کہ پال گھر کا معاملہ کوئی مذہبی معاملہ نہیں ہے۔ انہوں نے یقین دہانی کرائی ہے کہ جو بھی قصوروار ہیں انہیں بخشا نہیں جائےگا، ساتھ ہی انہوں نے کہا کہ غلط فہمی کی وجہ سے یہ حملہ ہوا ہے، جس کی وجہ سے قتل ہوگیا۔
ادھو ٹھاکرے نے مزید کہا ہے کہ جس علاقے میں یہ حادثہ ہوا ہے وہاں جانے کے لیے سڑکیں نہیں ہیں، پولیس پر بھی حملہ ہوا ہے، اس واقعے کے بعد ایس پی جائے وقوع پر پہنچے، اور ڈی جی، آئی جی سمیت کرائم برانچ معاملے کی تحقیقات کررہے ہیں، کچھ ملزمین دادر نگر حویلی میں چھپے ہوئے ہیں، جو پکڑے جائیں گے، انہوں نے مزید کہا کہ وزیر داخلہ نے میری باتوں سے اتفاق کیا ہے'۔
واضح رہے کہ مہاراشٹر کے پال گھر ضلع میں ایک گروپ نے چور ہونے کی شک پر تین افراد کی پٹائی کر کے اس کا قتل کر دیا، یہ تینوں شخص کسی کی آخری رسومات میں شامل ہونے کے لیے ممبئی سے گجرات کے سورت جا رہے تھے۔
کاسا پولیس اسٹیشن کے انچارج آنند کالے کے مطابق یہ واقعہ جمعرات کی رات ساڑھے نو بجے سے 10 بجے کے درمیان میں پیش آیا ہے۔
