کوروناوائرس کے شہروں سے گاؤں میں پھیلنے سے گاؤں کے افراد نے عوامی مقامات پر لوگوں کے جمع ہونے اور ایک ساتھ بیٹھنے سے روکنے کے لیے عوامی مقامات پر موجود بنچز کو الٹا کردیا ہے تاکہ لوگ ایک ساتھ نہ بیٹھ سکیں۔
گاؤں کے نوجوانوں نے پنچایت اور دیگر شہریوں کے ساتھ مل کر نندی، مھودھا اور محمدآباد تعلقہ میں بنچز کو الٹ دیا ہے تاکہ مقامی افراد اس پر ایک ساتھ نہ بیٹھ سکیں اور لاک ڈاؤن پر عمل کیا جاسکے۔
ضلع انتظامیہ اور پولیس کی جانب سے لاک ڈاؤن پر عمل کرنے پر زور دینے کے باوجود عوام کی جانب سے لاپرواہی برتی جارہی ہے اور مقامی افراد عوامی مقامات پر بنچز پر ایک ساتھ بیٹھتے ہوئے نظر آرہے ہیں۔
اس پس منظر میں تمام عوامی مقامات اور راستوں پر موجود بنچز پر ان افراد کو بیٹھنے سے روکنے کے لیے ان بنچز کو الٹا کردیا گیا ہے۔ اس کے علاوہ مندر اور دیگر مقامات پر بھی ان افراد کو بیٹھنے سے روکنے کے لیے یہ قدم اٹھایا گیا۔
