سی اے اے این آر سی کے خلاف یشونت سنہا کی تین ہزار کلو میٹر کی گاندھی شانتی یاترا گجرات پہنچی.
گجرات میں نافذالعمل دفعہ 144 کو توڑ کر سڑکوں پر گاندھی شانتی یاترا نکلی اور سی اے اے کے خلاف جم کر آواز اٹھائی گیی.
احمدآباد میں شانتی یاترا لے کر پہنچے سابق مرکزی وزیر یشونت سنہا نے احمدآباد کے لوگوں کو سی اے اے کی تعلق سے جانکاری دی ساتھ ہی گاندھیائی طریقے سے سی اے اے کی مخالفت کرنے کو کہا۔
انہوں نے کہا کہ کچھ بھی ہو جاے وہ کاغذ نہیں دکھائیں گے۔
شہریت ترمیمی قانون اور قومی شہریت رجسٹر کے خلاف ملک بھر میں احتجاجی مظاہرے ہو رہے ہیں اس درمیان گجرات میں دفعہ 144 نافذ کردی گئی ہے، لیکن اس دفعہ کی خلاف ورزی کرتے ہوئے یشونت سنہا احمدآباد کے لا گارڈن سے گجرات کالج تک گاندھی شانتی یاترا کی ریلی سڑکوں پر نکالی۔
اس ریلی میں بڑی تعداد میں کانگریس پارٹی کے کارکنان بھی شریک ہوئے اور جم کر سی اے اے کی مخالفت کر مطالبہ کیا کہ سی اے اے کو واپس لیا جائے۔
