ڈرائنگ کے ذریعے این آر سی اور سی اے اے کی مخالفت

ریاست گجرات کے داراحکومت احمدآباد میں گزشتہ ماہ سے این آر سی اور سی اے اے کے خلاف احتجاج کر رہی خواتین کا ساتھ دینے کے لیے الگ الگ ریاستوں سے لوگ پہنچ گئے ہیں جبکہ اب بچوں نے بھی اس میں شمولیت اختیار کرلی ہے۔

احمد آباد میں سی اے اے کے خلاف احتجاجی مظاہرہ الگ انداز میں دکھائی دے، اس کے لیے نئے طریقے سے احتجاج کیا جا رہا ہے، ایسے میں آج اجیت میل دھرنے میں بڑی تعداد میں بچوں نے ڈرائنگ اور پینٹنگز بنا کر مظاہرہ کیا۔

معصوم بچوں نے 'نو' سی اے اے، 'نو' این آر سی، 'نو' این پی آر، قومی پرچم، حراستی کیمپ، گاندھی جی، ٹیپو سلطان، قدرتی مناظر جیسے پوسٹرز لے کر احتجاج کیا۔

لوگوں نے کہا کہ 'ہمیں سی اے اے سے آزادی چاہیے۔ ہم ملک میں ایکتا اور بھائی چارے کے ساتھ رہنا چاہتے ہیں، دو مذاہب کے مابین کشیدگی پیدا کرنے والی سیاست ہمیں برداشت نہیں۔ انہوں نے کہا کہ 'جب تک سی اے اے واپس نہیں لیا جائے گا تب تک یہاں احتجاج جاری رہے گا۔

اس موقع پر ای ٹی وی بھارت کی نمائندہ روشن آراء نے ڈرائنگ بنانے والے بچوں سے خصوصی بات چیت کی دیکھئے یہ ویڈیو۔