وزیر اعظم نریندر مودی نے نئے پارلیمنٹ ہاؤس کا سنگ بنیاد رکھا۔ سرودھرم پرارتھنا ( دعائیہ مجلس) کے تحت پارلیمنٹ ہاؤس کی سنگ بنیاد رکھنے کے لئے ایک تقریب کا اہتمام کیا گیا۔ پارلیمنٹ کی نئی عمارت اگست 2022 تک تیار ہوجائے گی تمام جدید سہولیات وہاں موجود ہوں گی۔
اس دوران سرودھرم کے تحت دعا کی گئی، جس میں ہندو، سکھ، عیسائی، مسلمان، بدھ مت، جین اور دیگر مذہبی رہنما موجود تھے، جنہوں نے دعا کی۔
اس موقع پر وزیر اعظم نریندر مودی نے اپنے خطاب میں کہا کہ آج کا تاریخی دن ہے اور یہ سنگ میل ثابت ہوگا۔ اب بھارت میں ہندوستانی نظریات کے ساتھ ایک نئی پارلیمنٹ بننے جارہی ہے، ہم مشترکہ طور پر پارلیمنٹ کی نئی عمارت بنائیں گے۔
انہوں نے کہا کہ جب بھارت اپنی آزادی کا 75 واں سال منائے گا تب پارلیمنٹ کی نئی عمارت اس کی تحریک ہوگی۔
وزیر اعظم مودی نے کہا کہ میں اس لمحے کو کبھی نہیں بھول سکتا، جب میں 2014 میں پہلی بار پارلیمنٹ ہاؤس آیا تھا میں نے سر جھکایا تھا۔
وزیر اعظم نے کہا کہ اب یہ عمارت تقریباً 100 سال پرانی ہو چکی ہے۔ برسوں کے دوران ضرورت کے مطابق اسے اپ گریڈ کیا گیا ہے، بہت ساری نئی تبدیلی کے بعد یہ عمارت اب اس عمارت کو آرام دینا چاہئے۔
پارلیمنٹ کی نئی عمارت کے سنگ بنیاد رکھنے کے پروگرام میں کئی مشہور شخصیات موجود رہیں۔ اس دوران لوک سبھا اسپیکر اوم بریلا، مرکزی وزیر امت شاہ، راج ناتھ سنگھ، کئی وزرا، کئی ایم پی، صنعتکار رتن ٹاٹا کےعلاوہ کئی اہم لوگ موجود تھے۔
