تامل ناڈو کے مشہور پنڈت مسنیشور مندر کے ایک پجاری کا ہفتہ کے روز نامعلوم حملہ آوروں نے مندر کے احاطے میں گھس کر ڈنڈوں اور دیگر ہتھیاروں سے پیٹ پیٹ کر بے رحمانہ قتل کردیا۔
پولیس نے بتایا کہ 'مہلوک پجاری کی شناخت جی متھو راجا کے طور پر ہوئی ہے، جو اندھرا کوٹم ہیملیٹ کے رہنے والے تھے۔'
انہوں نے بتایا کہ 'نامعلوم حملہ آوروں کا ایک گروہ مندر کے احاطے میں داخل ہوا اور انہوں نے پجاری کو ڈنڈوں اور ہتھیاروں سے مسلسل مارنا شروع کردیا جس سے پجاری کی وہیں پر موت ہوگئی۔'
تمل کے پوراتسی ماہ کے چوتھے سنیچر کے موقع پر مندر میں بڑی تعداد میں درشن کے لئے پہنچے عقیدت مند اس بے رحمانہ قتل کو دیکھ کر گھبراگئے اور محفوظ مقامات کی طرف بھاگنے لگے۔
حملہ آور پجاری کو قتل کرنے کے بعد آسانی سے فرار ہوگئے۔ اس واقعہ کی اطلاع ملتے ہیں مدورے شہر کے پولیس سپرنٹنڈنٹ آر شیو پرساد مندر پہنچے اور انہوں نے معاملے کی پوچھ گچھ کی۔
بعد میں پجاری کی لاش پوسٹ مارٹم کے لئے راجاجی اسپتال بھی دی گئی۔
فی الحال پولیس معاملے کی تحقیقات کر رہی ہے۔
