رامناتھ کووند نے ہولی کے موقع پر آج جاری مبارکبادی پیغام میں کہاکہ ہولی کے مقدس موقع پر، میں ہندستان اور غیرممالک میں مقیم تمام اہل وطن کو نیک خواہشات دیتا ہوں۔
انہوں نے کہا کہ رنگوں کے تہوار ہولی، شرد رتو کے اختتام اور وسنت رتو کے آمد کا پیغام دیتی ہے۔ یہ تہوارتمام کی زندگی میں امیدبڑھانے والا ہوتا ہے اور اسی لئے ہماری ثقافتی روایت میں ہولی کا مخصوص مقام ہے۔ ہر عمر اور ہر طبقہ کے لوگ اس تہوار کو نہایت جوش و خروش کے ساتھ مناتے ہیں۔ مختلف رنگوں سے بھرا یہ تہوار ہماری تنوع اور ثقافتی وراثت کی علامت ہے۔
صدر نے کہا کہ میری خواہش ہے کہ اس تہوار کے ذریعہ اپنے انمول ورثہ اور زندگی کے اقدار میں اہل وطن کا اعتماد بڑھے اور یہ تہوار تمام لوگوں میں باہمی ہم آہنگی اور دوستی کو مضبوط بنائے۔
نائب صدرجمہوریہ ہند ایم وینکیا نائیڈو نے بھی ہولی کے مبارک موقع پر عوام کو مبارکباد دی ہے۔ اپنے پیغام میں انہوں نے کہا کہ رنگوں کا یہ تہوار ایک دوسرے کے قریب آنے اور اتحاد ، بھائی چارے اورمیل محبت کے جذبے کو تازہ کرنے کا ایک موقع ہے۔ اس ہولی پر انہوں نے دوستی اور آپسی میل محبت کے بندھنوں کو مضبوط کرنے کے لئے کہا جو ہمارے سماج کو یکجا کرتی ہے۔
انہوں نے اپنے پیغام میں کہا کہ ’’میں ہولی کے اس مبارک موقع پر اپنے ملک کے عوام کو اپنی طرف سے گرم جوشانہ مبارکباد اور نیک خواہشات پیش کرتا ہوں ۔ ہولی ، جو رنگوں کا تہوار ہے ، خاندان اور دوستوں کے ایک دوسرے کے ساتھ جمع ہونے اور یگانگت ، بھائی چارے اور میل محبت کے جذبے کو تازہ کرنے کا تہوار ہے ۔ ہولی سے قبل شا م میں الاؤ جلایا جانا ، اچھائی کی برائی پر جیت کی عکاسی کرتا ہے۔ ہولی،فطرت کی خوبصورتی اور اس کی نوازشوں کا جشن ہے۔یہ تہوار موسم سرما کے اختتا م اور موسم گرما کے آغاز کی اہمیت کواجاگر کرتا ہے۔‘‘
