موہن داس کرم چند گاندھی کی وفات 30 جنوری 1948 میں ہوئی تھی، اسی مناسبت سے ان کے 71 ویں یوم وفات کے موقع پر 30 جنوری کو حیدرآباد کے باپو گھاٹ لنگر ہاؤس میں ریاستی گورنر صبح 10:30 بجے مہاتما گاندھی کی سمادی اور مجسمہ پر خراج عقیدت پیش کریں گے -
اس موقع پر مہاتما گاندھی کے پسندیدہ بھجن اور گیت کی محفل سجے گی۔ اور ہندو، مسلم، عیسائی اور بدھ مذہب کے مقدس کتابوں کو پڑھا جائیگا۔ اس موقع پر سرو دھرم سبھا کا بھی انعقاد کیا جائے گا۔
ٹھیک گیارہ بجے صبح سائرن کی آواز کے ساتھ ہی دو منٹ کی خاموشی رکھی جائے گی۔
مزید پڑھیں: گاندھی جی، نہرو۔پٹیل کے درمیان تنازعہ کو حل کرنا چاہتے تھے
خیال رہے کہ شہر کی معروف ندی موسی ندی کے سنگم پر 12 فروری 1948 کو لنگر ہاؤس میں باپو گھاٹ تعمیر کیا گیا تھا۔
اس عمارت میں سرو دھرم سبھا کے لیے مخصوص ہال، لائبریری اور میوزک سسٹم موجود ہے۔
قابل ذکر ہے کہ یہاں گاندھی جی کے 400 سے زیادہ تصاویر موجود ہیں۔
