حال ہی میں لداخ کے علاقہ گلوان میں چینی فوج کے ساتھ ہوئے تصادم میں ویرگتی پانے والے تلنگانہ کےکرنل سنتوش بابو کے مجسمہ کی تیاری کاکام تیزی سے کیاجارہا ہے۔
یہ مجسمہ ان کے آبائی ضلع سوریہ پیٹ میں نصب کیاجائے گا۔ان کے مجسمہ کی تیاری اور تنصیب کا اعلان ریاستی حکومت نے کیا تھا۔اس مجسمہ کی تیاری کا کام پڑوسی ریاست آندھراپردیش کے مغربی گوداوری ضلع کیا جارہا ہے اور یہ حتمی مرحلہ میں داخل ہوگیا ہے جو سوریہ پیٹ کے پرانے بس اسٹینڈ علاقے میں نصب کیاجائے گا۔
واضح رہے کہ حکومت تلنگانہ نے ملک کے لیے جان قربان کرنے والے کرنل سنتوش بابو کو پھرپور خراج عقیدت پیش کیا۔ ان کے اہل خانہ کو پانچ کروڑ روپئے کا معاوضہ دیا،کرنل کی اہلیہ کو گروپ ون میں ملازمت اور حیدرآباد کے پاش علاقہ بنجارہ ہلزمیں اراضی بھی فراہم کی ہے، اور ساتھ میں کرنل کا مجسمہ بھی نصب کرنے کا فیصلہ کیا ہے۔
