انتخابی پوسٹرز کی سیاست عروج پر

ریاست اترپردیش کے ضلع امیٹھی میں راہل گاندھی اور شدت پسند تنظیم جیش محمد کے بانی مسعود اظہر کی ایک ساتھ تصویروں والے پوسٹرز شوشل میڈیا پر تیزی سے وائرل ہو رہے ہیں۔

اترپردیش کے ایک مقامی ریلوے اسٹیشن کے احاطے میں کانگریس کے صدر راہل گاندھی کے خلاف ایک پوسٹر لگایا گیا ہے۔

پوسٹر میں لکھا ہوا ہے ' راہل گاندھی مرداباد، امیٹھی کو ایسا رکن پارلیمان نہیں چاہیے جو وزیر اعظم کی عزت نہ کرے اور دہشت گردوں کی حمایت کرے۔ اس پوسٹر میں راہل گاندھی کو مسعود اظہر کا پیر چھوتے ہوئے دکھایا گیا ہے'۔

پوسٹر میں لکھا ہے کہ 'جو دہشت گردوں کو'جی' کہے ایسا رکن پارلیمان امیٹھی کو نہیں چاہیے، راہل گاندھی مرداباد، دہشت گردی مرداباد کے نعرے لکھے گئے ہیں'۔