ریاست کرناٹک کے ضلع یادگیر کے تعلقہ گرمٹکل میں آج محکمہ پولیس کی جانب سے ایک ریالی نکالی گئی جس میں شہریوں سے ماسک لگانے کی اپیل کی گئی۔
اس ریالی کی قیادت سر کل انسپیکٹر دیویندر پا نے کی۔ اس موقع پر انہوں نے شہریوں سے خطاب کرتے ہوئے کہا کہ 'کورونا وائرس پر قابو پانے کیلئے ہر شہری کو لازمی طور پر ماسک لگانا نہایت ضروری ہے'۔
انہوں نے کہا کہ 'سماجی فاصلے کو برقرار رکھتے ہوئے سنی ٹائزر کا استعمال کریں صابن سے اپنے دونوں ہاتھ دھوئیں۔ آپ مکان میں ہو یا پھر باہر ہر جگہ سماجی فاصلے کا خیال ضرور رکھیں'۔
انہوں نے کہا کہ 'اگر آپ کو سردی کھانسی بخار سانس لینے میں دشواری جیسے علامات محسوس ہورہی ہیں تو فوری ڈاکٹر سے رجوع ہوں'۔
اس موقع پر محکمہ پولیس کی جانب سے شہریوں کو مفت ماسک تقسیم کیا گیا۔
انہوں نے کہا کہ بغیر ماسک کے باہر گھومنے والوں کو سو روپے جرمانہ لگایا جائے گا۔ اس موقع پر محکمہ پولیس کی دیگر ذمہ داران بھی موجود تھے۔
