وزیراعظم مودی نے کہا کہ ہندوستان صحت کے شعبے میں بحران کے اس دور میں موزمبیق کو ضروری ادویات اور آلات کی سپلائی کرکے مدد پہنچا سکتا ہے۔ صدر نیوسی نے دونوں ممالک کے درمیان صحت دیکھ بھال اور دواؤں کی سپلائی کے شعبے میں گہرے تعاون کی ستائش کی۔
دونوں رہنماؤں نے موزمبیق میں ترقیاتی پروجیکٹوں میں ہندوستانی سرمایہ کاری سمیت کئی دیگر اہم امور پر بھی تبادلہ خیال کیا۔ وزیراعظم نے کہا کہ موزمبیق افریقہ کے ساتھ ہندوستان کی شراکت داری کا اہم ستون ہے۔
انہوں نے دفاع اور سکیورٹی کے شعبے میں دونوں ممالک کے درمیان بڑھتے دو فریقی تعاون پر بھی اطمینان ظاہر کیا۔ وزیراعظم نے صدر نیوسی کی شمالی موزمبیق میں جنگجویانہ واقعقات کے سلسلے میں تشویش سے اتفاق ظاہر کیا اور موزمبیق پولیس اور حفاظتی دستوں کی صلاحیت میں اضافے کی ہد ممکن مدد کی پیش کش کی۔
وزیراعظم مودی نے میوزمبیق میں ہند نژاد لوگوں کی سلامتی یقینی بنانے کے لئے شکریہ ادا کیا۔
دونوں لیڈروں نے اس بات پر اتفاق ظاہر کیا کہ دونوں ممالک کے افسران وبا سے نمتنے اور دیگر معاملوں میں تعاون کے امکانات کا پتہ لگائیں۔
