جئے پرکاش نارائن کی آج 118ویں یوم پیدائش، وزیراعظم کا خراج عقیدت

وزیراعظم نریندر مودی نے آج لوک نائک جے پرکاش نارائن کے یوم پیدائش کے موقع پر انہیں یاد کیا اور سلام پیش کرتے ہوئے کہا کہ ان کے لیے قومی مفاد اور عوامی بہبود سے بہتر کچھ بھی نہیں تھا۔

مجاہد آزادی لوک نائک جے پرکاش نارائن کی آج 118 واں یوم پیدائش ہے۔ اس موقع پر وزیراعظم نریندر مودی نے لوک نائک کو سلام کرتے ہوئے ٹوئٹ کیا کہ 'میں لوک نائک جے پی کو ان کے یوم پیدائش پر سلام کرتا ہوں'۔

مودی نے مزید لکھا کہ 'ملک کی آزادی کی لڑائی انہوں نے بہادری سے لڑی اور جب ہماری جمہوری اقدار پر حملہ ہوا تو اسے بچانے کے لیے انہوں نے ایک مضبوط عوامی تحریک کی قیادت کرکے اس کی حفاظت کی، ان کے لیے قومی مفاد اور عوامی بہبود سے بہتر کچھ بھی نہیں تھا'۔