کرونا کی وبا کے بحران کے بیچ لوگوں کو پٹرول اور ڈیزل کی افراط زر کا سامنا کرنا پڑ رہا ہے، پٹرول کی قیمت میں 56 پیسے کا اضافہ ہوا ہے، جبکہ ڈیزل کی قیمت میں 63 پیسے فی لیٹر کا اضافہ درج کیا گیا ہے، اس سے قبل جمعرات کے روز پیٹرول 53 پیسے تو ڈیزل 64 پیسے فی لیٹر مہنگا ہوا تھا۔ اس طرح گزشتہ 13 دنوں سے پٹرولیم مصنوعات کی قیمتوں میں اضافہ کا سلسلہ جاری ہے۔
ملک کی سب سے بڑی تیل تقسیم کار کمپنی انڈین آئل کارپوریشن کے مطابق اب دہلی میں پٹرول کی قیمت 80 روپے فی لیٹر کے قریب ہوگئی ہے، 78.37 اور ڈیزل 77.06 روپے فی لیٹر ہو گیا ہے۔
قومی دارالحکومت دہلی میں مسلسل 13 دن کے اضافے کے بعد پٹرول 7.11 روپے فی لیٹر مہنگا ہوگیا ہے، اور ڈیزل کی قیمت میں بھی سات روپے سے زیادہ کا اضافہ ہوا ہے۔
