مرکزی حکومت کی طرف سے دونوں ایندھنوں پر ایکسائز ڈیوٹی تین تین روپے فی لیٹر بڑھانے کے باوجود قیمتوں میں کمی کا سلسلہ جاری ہے۔
بین الاقوامی مارکٹ میں خام تیل کی قیمت میں اچانک آئی گراوٹ کی وجہ سے بغیر قیمت بڑھائے ایکسائز ڈیوٹی میں اضافہ ممکن ہو سکا۔
حالانکہ اس سے عام لوگ پیٹرول ڈیزل میں ممکنہ بڑی راحت سے محروم رہ گئے۔ ملک کی سب سے بڑی تیل مارکیٹنگ کمپنی انڈین آئل کارپوریشن کے مطابق دہلی میں پیٹرول کی قیمت آج 13 پیسے کم ہوکر 69.75 روپے فی لیٹر رہ گئی جو 13 جنوری 2019 کے بعد سب سے کم ترین سطح پر ہے۔
ڈیزل کی قیمت بھی 14 پیسے کم ہو کر 62.44 روپے فی لیٹر پر آ گئی۔ یہ 09 جنوری 2019 کے بعد سب سے کم ترین سطح پر ہے ۔ کولکتہ میں پیٹرول 12 پیسے سستا ہوکر 72.45 روپے فی لیٹر رہ گیا۔
ممبئی اور چنئی میں اس کی قیمت 11-11 پیسے کم ہوکر بالترتیب 75.46 روپے اور 72.46 روپے فی لیٹر پر آ گئی۔ ڈیزل کی قیمت کولکتہ، ممبئی اور چنئی میں بھی 14-14 پیسے کم ہوکر بالترتیب 64.77 روپے، 65.37 روپے اور 65.88 روپے فی لیٹر رہے گی۔
