پلوامہ حملے کے بعد بھارت اور پاکستان کے درمیان بڑھتی ہوئی کشیدگی میں سیالکوٹ ائیر بیس سے پاک ائیر فضائیہ کے 2 جنگی طیارے بہت نیچے پرواز کیا۔
تفصیلات کے مطابق جنگی طیارے نے سرحدی علاقوں کے گشت کے لیے پرواز بھری تھی لیکن اس کی آواز سے آس پاس کے لوگوں کو جنگ شروع ہو نے کا گمان ہوا۔
جہاز کی آواز سن کر لوگوں کو لگا کہ پاکستان اور بھارت میں جنگ شروع ہوگئی۔ اس بات پر کئی مقامی لوگوں نے سوشل میڈیا پر اپنا رد عمل ظاہر کیا۔
لوگوں نے لکھا کہ بھارت کی طرف سے سیالکوٹ پر حملہ ہوا ہے دونوں ملکوں کے درمیان جنگ شروع ہوگئی ہے۔
رؤف نامی ایک شخص نے لکھ دیا کہ سیالکوٹ میں پاکستان آرمی کی طرف سے جیٹ کے ڈیمو شروع ہو چکا ہے اور اصلی مرد تو بس مائیں ہی پیدا کرسکتی ہیں۔
پاکستان کے سوشل میڈیا میں ہی جنگ شروع ہوگئی تھی۔ وہاں تو لوگ یہ تک لکھنے لگے کہ دھماکہ کی آواز انڈین ائیر فورسز کے ایک جیٹ کوختم کرنے کے لیے تھی، لیکن ایسا کچھ نہیں تھا۔
بھارت کے ٹوئٹر واریئرس کی جانب سے دعوی کیا کہ بھارتی فوج کی طرف سے پاکستان میں بم گرایا گیا ہے۔
خیال رہے کہ سیالکوٹ ایئر بیس سے متصل رہائشی علاقوں کے اوپر سے پاکستان ائیر فورسز کے دو جیٹ طیاروں کو اڑایا گیا تھا۔ جسے بھارتی فوج نے بھی نوٹس کیا تھا۔
جیٹ کی زیادہ آواز کی وجہ سے عام لوگوں میں افراتفری مچ گئی اور سوشل میڈیا پر لوگ کچھ بھی لکھنے لگے۔
