پٹنہ کے فتوحہ میں غیر قانونی طریقے سے جگراتا کیا جا رہا تھا، پولیس جگراتا کو روکنے پہنچی تو اس پر پتھراؤ شروع کر دیا گیا اور پولیس کی ٹیم پر حملہ کر دیا گیا۔ اس دوران گاڑیوں کو نقصان پہنچا، جوابی کارروائی میں پولیس نے بھی لاٹھیاں چارج کیں لیکن مقامی افراد کی تعداد زیادہ ہونے کی وجہ سے پولیس کو موقعے واردات سے بھاگنا پڑا۔
در اصل فتوحہ میں جاگرن کا اہتمام کیا جارہا تھا۔ پولیس کے مطابق جاگرن کرنے کی اجازت نہ ہونے کے باوجود پروگرام چل رہا تھا، جب پولیس کی ٹیم جگراتا کو روکنے کے لیے پہنچی تو پولیس اور دیہاتیوں میں معمولی سی کہا سنی ہوئی، اس کے بعد پولیس نے جیسے ہی پروگرام کو بند کرنے کے لیے کہا گاؤں والے ناراض ہو گئے اور ہنگامہ شروع کر دیا، گاؤں کے لوگ اتنے ناراض ہوگئے کہ انہوں نے پولیس انتظامیہ پر پتھراؤ کرنا شروع کردیا۔ حملے میں پولیس کار کو بھی نقصان پہنچا ہے۔ جوابی کارروائی کرتے ہوئے پولیس نے بھی لاٹھیاں چلائیں لیکن گاؤں والوں کی تعداد زیادہ ہونے کی وجہ سے پولیس کو پیچھے ہٹنا پڑا۔
یہ بھی پڑھیں: بہار: نتیش اور تیجسوی کی آج انتخابی مہم، مودی کریں گے من کی بات
کورونا کی وجہ سے ضلع انتظامیہ نے جگراتا اور پروگرامز کرنے پر پابندی عائد کر دی ہے، اس کے باوجود کچھ لوگ قواعد کو نظر انداز کرتے ہوئے جاگرن پروگرام کا اہتمام کر رہے تھے۔ پولیس نے اطلاع کے بعد کارروائی کی۔
فی الحال پولیس کی ٹیم پر پتھراؤ کرنے کے معاملے کی تفتیش شروع کر دی گئی ہے، منتظمین سے لے کر موجودہ پولیس تک موجود لوگوں کی فہرست تلاش کر رہی ہے۔
