اواین جی سی کی جانب سے جاری پریس ریلیز میں کہا گیا ہے کہ یہ کٹ کورونا وائرس ’کوویڈ 19‘ کی روک تھام کے لیے علاقوں میں تعینات پولیس اہلکاروں کو دی جائیں گی، اواین جی سی کاویری بیسن کے ایگزیکیوٹو ڈائریکٹر ڈاکٹر کے ایس بھوشن کے ذریعہ سبھی کٹ گریٹر چنئی سٹی کے پولیس کمشنر اے کے وشوناتھن کے سپرد کی گئیں۔
وشوناتھن نے بحران کے اس وقت میں مدد کا ہاتھ آگے بڑھانے کےلیے اوین جی سی کی پہل کی ستائش کی، ایک کپڑے کے تھیلے میں ہر پی پی ای کٹ کے ساتھ 500 ملی لیٹر ہینڈ سینیٹائزر اور ہینڈواش (250 ملی لیٹر) کی ایک ایک بوتل، دو اینٹی بیکٹریئل سابن، پانچ دوبارہ استعمال ہونے والے ماسک، تین جوڑی دستانے اورایک کپڑے دھونے کا سابن ہے۔
اس سے پہلے اواین جی سی نے سب ڈیویژنل چنئی میں 11 شہر پنچایتوں میں صحت، صفائی مزدوروں اور کیڑے ماردوا کے چھڑکاؤ ٹینک پر کام کرنے والوں کو پی پی ای کٹ مہیا کرنے کےلئے 9.59 لاکھ روپے کی مالی مدد دی تھی۔
