گذشتہ ایک ماہ سے دہلی کے شاہین باغ میں مرکزی حکومت کے ذریعہ لائے گئے سی اے اے قانون، این پی آر اور مجوزہ این آر سی کے خلاف احتجاج و مظاہرہ جاری ہے۔
اسی ضمن میں ای ٹی وی بھارت کے نمائندے عارف اقبال نے ارریہ میں واقع ٹاؤن ہال کے پاس گذشتہ پندرہ روز سے جاری احتجاجی جلسہ گاہ پہنچ کر ماحول کا جائزہ لیا اور مظاہرہ کر رہی خواتین سے اس بارے میں بات چیت کی۔
اس احتجاجی جلسہ گاہ میں بڑی تعداد خواتین کی پہنچتی ہے جو اپنے اپنے کاموں سے فارغ ہو کر شام سے آنے لگتی ہے اور دیر شب تک رہتی ہے، اس جلسہ گاہ میں خواتین کے علاوہ طالبات اور بچیاں بھی شامل ہوتی ہیں۔
مظاہرین کا واضح طور پر یہ کہنا ہے کہ جب تک یہ قانون واپس نہیں ہو جاتا تب تک وہ اسی طرح احتجاج پر بیٹھی رہیں گی، انہیں ٹھنڈ کی کوئی پرواہ نہیں، ملک کا دستور سلامت رہے گا تب وہ سلامت رہیں گی اور ان کی آنے والی نسلیں محفوظ ہوں گی۔
