مقامی ذرائع کے مطابق کرنل روہت سنگھ سولنکی نامی افسر نے رائفل سے خود پر گولی چلائی جس سے وہ شدید زخمی ہوگئے۔
مہار ریجمنٹ کے کرنل نے نوبراہ علاقے کے پارت پور کیمپ میں اپنے ایک ماتحت اہلکار کی رائفل سے خود کو نشانہ بنایا۔
زخمی افسر کو علاج کے لیے مقامی فوجی اسپتال میں داخل کیا گیا ہے۔
سیاچن گلیشیر دنیا کی بلند ترین رزم گاہ ہے، جہاں انتہائی نامساعد موسمی حالات کے باوجود بھارت اور پاکستان کی فوجیں ایک دوسرے کے سامنے کھڑی ہیں۔
انتہائی مشق کے بعد فوجیوں کو مختصر مدت کے لیے اس گلیشیر میں تعینات کیا جاتا ہے لیکن بہت سے فوجی ڈیوٹی کے دوران اعصابی تناؤ کا شکار ہوتے ہیں۔
کرنل سولنکی کے اقدام خودکشی کی وجوہات فوری طور معلوم نہیں ہوسکیں۔
