کیونکہ ہمارے پاس حکومت بنانے کے لیے اراکین اسمبلی کی مکمل تعداد ہے۔
گوا کانگریس کے ریاستی صدر گریش چونڈکر نے دعوی کیا کہ پارٹی ریاست میں حکومت بنانے کی سمت میں کام کر رہی ہے اور اس کے لیےکئی غیر کانگریسی رکن اسمبلی رابطے میں ہیں۔
انکا کہنا تھا 'ہمارے پاس کچھ حکمت عملی ہے اور ہمیں امید ہے'۔
کانگریس نے اس سے قبل 40 رکنی اسمبلی میں سب سے بڑی پارٹی کے طور پر حکومت بنانے کی دعویداری پیش کی۔
گورنر مردلا سنہا کو سونپے خط میں حزب اختلاف جماعت کے رہنما چندر کانت بابوکاولیکر نے کہا ہے کہ وزیر اعلی منوہر پاریکر کے انتقال سے بھارتیہ جنتا پارٹی حکومت کا اتحاد ختم ہو گیا کیونکہ اس کے حلیفوں نے اس شرط پر حمایت دی تھی کہ پاریکر اتحاد کی قیادت کریں گے۔
