ریاست بہار کے ضلع گیا میں ممنوعہ نکسلی تنظیم کے سابق رکن سریکھا یادو کے والد کا مجرموں نے قتل کردیا، جائے واردات پر پہنچ کرپولیس معاملے کی تفتیش میں مصروف ہے۔
ضلع گیا کے انتہائی نکسل متاثر علاقہ ڈومریا بلاک میں واقع بھدور گاوں میں مجرموں نے سریکھایادو کے والد کا تیز اسلحہ سے گلا ریت کربہیمانہ قتل کردیاہے، بتایاجارہاہے کہ کچھ دنوں سے خاندانی رنجش چل رہی تھی، جسکی وجہ سے پیر کی صبح سریکھایادو کے والد کا قتل کردیاگیا۔
اطلاع پاکر بھدور تھانہ کی پولیس سمیت رینج کے ڈی ایس پی جائے واردات پرپہنچ کر لاش کو قبضہ میں لیکر پوسٹ مارٹم کے لئے انوگرہ نارائن مگدھ میڈیکل کالج واسپتال گیابھیج دیا ہے ۔
جائے واردات سے پولیس نے مجرموں کی چپل اور اسلحہ بھی برآمد سرِیکھا یادو کے ایک رشتہ دار نے بتایا کہ رشتہ دار سے ہی کچھ دنوں سے رنجش چل رہی تھی، کچھ دن پہلے بھی جان سے مارنے کی دھمکی دی گئی تھی، جس کے بعد انہیں قتل کر دیا گیا ۔
ڈی ایس پی نے بتایاکہ معاملے کی تحقیقات جاری ہے، لواحقین کی جانب سے کچھ لوگوں کے نام بتائے جارہے ہیں، پولیس معاملے کی تفتیش کرکے ایف آئی آر کی کاروائی کوانجام دے رہی ہے
