این زیڈ سی کے ترجمان رچرڈ بک نے کہا کہ بورڈ نے بھارتی کرکٹ کنٹرول بورڈ (بی سی سی آئی) کے ساتھ آئی پی ایل -13 ایونٹ کے حوالے سے کوئی بات چیت نہیں کی ہے۔ قابل ذکر ہے کہ آئی پی ایل کا انعقاد رواں سال 29 مارچ سے ہونا تھا لیکن کووڈ 19 وبا کی وجہ سے اسے غیر معینہ مدت کے لئے ملتوی کردیا گیا ہے۔
ریڈیو نیوزی لینڈ نے بک کے حوالے سے کہا ہے کہ یہ رپورٹ محض قیاس آرائی ہے۔ ہم نے آئی پی ایل ایونٹ کے حوالے سے کوئی پیش کش نہیں کی ہے۔ بک کا بیان بی سی سی آئی کے اس بیان کے بعد سامنے آیا ہے کہ وہ آئی پی ایل کے کسی دوسرے ملک میں ہونے کے امکان پر غور کر رہی ہے ۔ان کا کہنا تھا کہ متحدہ عرب امارات اور سری لنکا کے بعد نیوزی لینڈ تیسرا ملک ہے جہاں اس سال کے آئی پی ایل کا ایونٹ ممکن ہوسکتا ہے۔
بی سی سی آئی آئی پی ایل جیسے ٹورنامنٹ کے انعقاد کے لئے پوری کوشش کر رہا ہے۔ اس سے پہلے بھی آئی پی ایل کا انعقاد بیرون ملک کیا گیا تھا جب اس کا انعقاد 2009 میں جنوبی افریقہ اور 2014 میں متحدہ عرب امارات میں بھارت میں عام انتخابات کے پیش نظر ہوا تھا۔ متحدہ عرب امارات میں ٹورنامنٹ کے کچھ افتتاحی میچز ہوئے تھے۔
