انہوں نے مغربی گوداوری کے تاڑے پلی گوڑم میں وائی ایس آرکانگریس پارٹی کے دفتر میں قومی پرچم لہرایا۔
اس موقع پر انہوں نے کہاکہ جگن موہن ریڈی کے ریاست میں برسراقتدار آنے کے بعد یہ پہلا یوم جمہوریہ ہے۔
انہوں نے واضح کیاکہ جگن موہن ریڈی کی جانب سے جو وعدے عوام سے کئے گئے تھے ان تمام پر عمل کیاجارہا ہے۔
برسراقتدارآنے کے اندون 6ماہ ان وعدوں پر عمل کویقینی بنایاگیاہے اور تقریبا90فیصد وعدے پورے کئے گئے ہیں۔
انہوں نے نشاندہی کی کہ وزیراعلی غریبوں اور کمزوروں کی حمایت کررہے ہیں۔حلف برداری کے دن سے ہی انہوں نے انتخابی وعدوں کی تکمیل کی سمت پیشقدمی شروع کی۔
وزیراعلی کی جانب سے شروع کردہ فلاحی پروگرام ملک کے لئے رول ماڈل ہیں۔
انہوں نے کہاکہ برسراقتدارآنے کے بعد اندرون چارماہ چارلاکھ سے زائد افراد کے لئے روزگار کے مواقع فراہم کئے گئے۔
