بابا رام دیو نے اپنے بیان میں نریندر مودی کے حق میں بیان دے کر حزب اختلاف کی جماعتوں کو تنقید کا نشانہ بنایا اور کہا کہ نریندر مودی میں وہ ساری خصوصیات ہیں جو ایک وزیر اعظم میں ہونی چاہیے۔
بابا رام دیو نے نریندر مودی کو پاک اور مخلص قرار دیتے ہوے کہا کہ وہ چور نہیں ہے،بلکہ پوری دنیا اںکی اچھائی سے واقف ہے۔
واضح رہے کہ چند روز قبل سوشل میڈیا پر حزب اختلاف کی جماعتوں نے نریندر مودی کو تنقید کا نشانہ بنا کر چوکیدار چور ہے نامی ٹویٹ وائرل کیا تھا۔
بابا رام دیو نے مزید کہا کہ سیٹالائٹ لانچ، سرجیکل سٹرائک اور بالاکوٹ فضائی حملہ اس بات کا ثبوت ہے کہ نریندر مودی عوام کی رہنمائی کرنے کی قابلیت رکھتے ہیں۔ بابا رام دیو کا بیان لوک سبھا انتخابات سے چند روز پہلے آیا ہے۔
قابل ذکر ہے کہ آئندہ لوک سبھا انتخابات 11 اپریل سے شروع ہونگے اور نتائج 23 مئی کو سامنے آئیں گے۔
